Galaxa Blanca
Cuando la muda escuridá
alimente con negrura
l’iviernu de la vida,
dormiráse l'amor.
Los güeyos clisaos,
los l.labios apegaos,
las tuas manos frías
agarradas a las mías.
Un día
chegará’l branu
ya queimará’l Sol,
espertaremos ente l.luces
fundíos nun cuerpu cósmicu,
galaxa de l.luz
no firmamentu.
Tu ya you,
galaxa
de l.luz blanca.
Tiempu d’iviernu, 2005, Mª Esther García
López
No hay comentarios:
Publicar un comentario